WAIT FOR YOU [2] CH 8

WAIT FOR YOU [2] CH 8

UNTI-UNTI nang nararamdaman ni Vince ang takot.Takot na baka hindi matuloy ang kasal nila ni Anika.Mahal niya ito,ngunit napapansin niyang madalas na itong tahimik at hindi na gaanong naglalambing sa kanya.Naisip niya si Chase.Sigurado siyang ito lang ang dahilan kung bakit nagkaganoon si Anika.

Hindi man direktang ipinapakita sa kanya ni Anika na mahal pa nito si Chase,pero sadyang malakas ang pakiramdam niya.Sa tingin niya ay napalitan ng utang na loob ang pagpapakasal nito sa kanya ang pagmamahal nito noon,simula nung nagpakita ulit si Chase sa buhay ni Anika.Matagal na niyang pinag-iisipan kung siya na ba mismo ang aatras sa kasal nila.Pakakasal ba siya dito kahit hindi naman siya ang itinitibok ng puso nito?Mahal niya si Anika at hangad niya ang kaligayahan nito.Pero paano naman niya ito mapapasaya?Kaya napagpasyahan na ni Vince na iurong nalang ang pag-iisang dibdib nila.Hindi niya kayang makitang makasama niya ito habambuhay na malungkot.

Mapapasakanya nga ito pero labag naman sa kalooban.Nagmamahalan ang dalawa kaya hindi na siya dapat pang manghimasukan doon.

PAPUNTA na si Vince sa kwarto ni Anika para yayain itong maghapunan.Ganon pa rin,walang kagana-gana itong kumain.Ilang sandali pa ay nag-ring ang cellphone ni Anika.Nag-excuse muna siya para sagutin iyon.Hindi niya nakita ang excitement sa mga mata ng kanyang kapatid.Tila may kinalaman ito doon sa tumawag.

Tumalikod na siya at pumunta sa may pool.Tiningnan niya ang screen ng cp at lumabas ang mga guhit sa kanyang noo.

`Sino kaya ito?Hindi naka-phonebook ang no niya`

Sinagot niya iyon at nairita nang hindi man lang nagsalita ang nasa kabilang linya.

“Hoy,sino ka ba?Saan mo nakuha ang no. ko?Bakit ayaw mong magsalita?!” singhal na niya dito.

Buntung-hininga ang narinig niya.Uminit na ang bumbunan niya,mabuti na lang at bago pa siya sumabog ay nagsalita na ito.Ewan ba niya,pwede naman yung i-end ang call pero may kuryosidad na dumaloy sa katawan niya.

May kung anong bagay na dumaan sa kanyang puso nang mapagsino ang boses ng tumawag.

“Chase ..” mahinang ungol niya sa pangalan nito dulot ng pananabik.

“Sorry,but I can`t help myself.If you will change your mind,see me here in Sentosa near the Merlion.I`ll give you 1 hour.Kapag hindi ka dumating,promise hindi ko na kayo guguluhin at matatahimik na ang pagsasama niyo ni Vince.”
Ibinaba na nito ang telepono at hindi man lang siya nabigyan ng pagkakataon na magsalita.

“Anong gagawin ko?I`m going crazy.Pupuntahan ko ba siya o hindi?Pupunta o hindi,pupunta o hindi?Argh!Sumasakit ang ulo ko!” inis at natataranta niyang bulalas.Hind niya namalayan ang papalapit na si Vince.Nakikinig lang pala ito sa kanya.

“Anika”

Muntik na siyang mapalundag nang makita ang fiancee.Tinitigan siya nito.Napatungo siya.

“I know you still love him.You will still marry me even if it means losing Chase?No Anika,dahil tiyak ako na pagsisisihan natin yun balang-araw.Ayokong pakasalan mo ako dahil sa utang na loob o awa.Ako na ang bahala sa mga magulang mo,ako na ang magsasabi na iatras ang kasal.Go.Puntahan mo na siya at baka makaalis na iyon.So,I guess I have to let you go” mapait na ngumiti ito pagkatapos.

Nangilid ang luha niya at tumingkayad para hagkan ito.

“Salamat Vince.Ilang araw na akong nag-iisip tungkol diyan.Mabuti na lang at ikaw ang unang nag-open up.Napakabait mo talaga.Minahal kita pero mas matimbang pa rin siya sa puso ko.I`m sorry” garalgal na ang tinig niya sa sobrang saya at pagsasalamat dito.

Hinagod niya ang likod ni Vince.Bumitaw siya at hinarap ulit ito.

“I know,makikita ka rin ng karapat-dapat na mamahalin mo balang-araw.Hindi ako deserving sa pagmamahal mo,dahil alam ko na may mas `better` pa sa akin.Salamat talaga.Hindiing-hindi ko ito malilimutan” paulit-ulit niyang pasasalamat.

Ngumiti ito “Anika,never say sorry.Dahil hindi mo naman intensyon yun diba?Hindi kasalanan ang magmahal,dahil kusa mo lang yung naramdaman.Sige na.Let`s just cut the drama and go.Dalian mo”

Sunod-sunod na tango ang ginawa niya at tumakbo.Natigil siya nang may maalala.Humarap ulit siya at lumapit kay Vince.Hinubad niya ang engagement ring at ibinigay rito at nagpasalamat ulit.

Tinanaw siya ni Vince habang tumakbo siya at ngumiti nang malungkot.

INIP NA INIP na si Chase sa kahihintay.Minsan ay napapatingin siya sa relo at magiisang-oras na ay hindi pa rin dumarating si Anika.Lumaylay ang balikat niya at napatungo.Siguro nga ay hindi na ito darating.Hinagod niya ng tingin ang kapaligiran at nanlulumong umalis na.

Ilang hakbang pa ang nagagawa niya ng may tumawag sa kanya,Lumunok siya at napalingon doon sa nagmamay-ari ng boses.

Walang salitang lakad-takbo itong lumapit sa kanya.Kaagad silang nagyakapan.Parang ayaw na nilang bitawan ang isa`t isa.

Nag-usap ang kanilang mga mata nang bumitaw sila.
Ikinulong ni Anika ang mukha nito sa kanyang mga palad.

“Sabi ko na nga ba eh,di mo ko matitiis” nakangiti nitong biro.

“Ang yabang nito…..I love you Chase”

“I love you too.Hinding-hindi na kita pakakawalan Anika” madamdaming wika ng binata..

“Talaga!Dahil kundi,hindi na talaga ako magpapakita sayo ulit” nakairap niyang pahayag.

“Di ko na gagawin yun no.Ang hirap pala ng ganito.Tsaka ayoko nang magsisi ulit.” Seryosong wika ni Chase.

“Alam na ni Vince lahat.Siya na raw ang bahalang magsabi kina Mama at Papa na hindi na itutuloy ang kasal.Alam mo ba,siya rin ang nagsabi sakin na puntahan kita dito.Masaya ako dahil nakilala ko siya.Ang bait-bait niya.” Mangha niyang bulalas habang iniisip si Vince.

Lumayo sa kanya si Chase at pa-fake na nagtampo “Hmp.Selos ako.Di mo ako love eh” parang bata itong nagsalita.

Lumapit si Anika at kinurot ito sa tagiliran.Natatawa itong napangiwi.

“Ang O.A. mo ha?” itinaas niya ang kilay saka sumiksik sa didbib nito.

“Hindi naman.Sa totoo lang,bilib nga ako sa kanya eh.Lalaking-lalake.Marunong tumanggap ng pagkatalo” seryosong wika nito.

“Oo nga no” sang-ayon naman niya.

Humarap siya at ikinawit sa leeg nito ang kaniyang braso.Tumingkayad siya at kinintalan ito ng halik sa labi.Masuyo at Mapagmahal.Ilang oras din silang nandoon at namasyal sa Sentosa.Umalis sila doon nang magkahawak kamay.